ट्रकको ठक्करबाट एक जनाको मृत्यु

ललितपुर, असार ३ / ललितपुरको बालकुमारीस्थित आकासे पुलमूनि स्कुटरलाई ट्रकले ठक्कर दिंदा स्कुटर चालकको मृत्यु भएको छ । 

आज (सोमबार) साँझ कोटेश्वरबाट ग्वार्कोतिर जाँदै गरेको प्रदेश ०२–३–००१० ख ५३५७ नम्बरको ट्रकले सोही दिशामा रहेको बा ८३ प ८१७८ नम्बरको स्कुटरलाई ठक्कर दिएको थियो । मृत्यु हुनेमा सिन्धुली तीनपाटन गाउँपालिका घर भई भक्तपुर सूर्यविनायक बस्ने ३५ वर्षे रमेशकुमार पाण्डे रहेका छन् । 

ट्रकको ठक्करबाट गम्भीर घाइते भएका उनको उपचारको क्रममा बी एण्ड बी अस्पतालमा मृत्यु भएको प्रहरीले जनाएको छ । ट्रक चालकलाई प्रहरीले नियन्त्रणमा लिएको छ ।